dall' Italiano al Dialetto Bośàc'
Digitare una parola o una frase da tradurre in dialetto.
Trei 'nvensiù
Trei 'nvensiù
Li trei 'nvensù püsé 'mportànti dei ültem 100/150 àgn, ca ià cambiàat la storia, iè stàc' ol mótór, l'alternatór par la corènt e la radio con tüt' quant 'l gh'è gira 'ntóren.
Da la lûüs dèla lûm 'n se pasàat a chèla fàcia coli lampidìni, l'è cuminciàat iscè ól tèep deli fàbrichi 'ndùa tüt e tüc' i laórava de bòt a fà sǜ ròbi növi, e póo a mò màcheni növi par pudìi cór püsèe 'mprèsa amò.
Preghéra de Natàal
Preghiera di Natale
Preghéra de Natàal
Càar Geśǜ ca ‘stanòc’ te végnet al mónt,
‘na preghiéra te fóo del mè cóor dal profónt:
fà fermàa li guéri stüpedi e spietàdi
ca li cùpa rèdes, véc’ e gèet disarmàdi;
fà ragiunàa i tiràgn che i Stat i govèrna
sènsa òl minèm de lǜm de la lantèrna
e i cùpa ‘na fèmma parchè la ól mostràa
i cavéi, lìber al vèet de prümavéra ulàa!
Fà ca chi òl màar ià da traversàa
par da tüti ‘sti schifézzi pudì scapàa,
i trùes èn Paées ca iè ciàpes con amóor …
parché làcrimi e sànch i ghà par tüc’ òl stèss colóor!
Tǜc’ nùu sü la tèra compàgn ‘n se fac’-scià,
e me stà nòma òl tèep de ‘n fiàat
ca già par ognantǜu sùbet l’è sira:
parché ‘nveci de ciapàs de mìira
an vìif ca d’amóor ricambiàat,
coi öc’ che te dìs: bràscem-scià!?
encòrges
v. rifl.
accorgersi
L'óm e´l cáa
L' UOMO E IL CANE
L'óm e´l cáa
´N galantóm 'l prepàrava 'na grànt scéna par invidáa 'n sò amìis.
´L cáa de cà là ulüut a lüü invidáa n'òtro cáa e´l ghà dìc':
"Bùn amìis te vegnét con mì a scéna ?"
Lè 'ndàc' e l'era tǜt contèet e con piasé 'l vardàva cóma i préparava chèla gràn scéna e 'l giràva de chiló e de iló, áa ité par la cüsìna.
'L diśeva trà de lǜü: " 'Ncöö 'l me tuca 'na grànt furtǜna.
Chè delizios banchèt, mi maiaróo da 'mpinìi la bṍgia, iscé domáa e par 'n póo gharóo ca pù fam."
´Ntáat 'l fàva mìla carezzi al sò compàgn e 'l mṍeva la cùa dal piaśé.
´L cṍöch a idìl giráa itè par la cüsìna 'l là ciapáat par li gàmbi e là tràc' giò dala fanèstra.
´L cáa tǜt sborgnáat, a quai manéri 'l córeva e 'l càinava cola la cùa trà li gàmbi.
La 'ncontráat d'òtri cáa ca i ghà domandat:
" Cóma te ghée scenáat, bée ?"
E chèsto tǜt séri 'l ghà respondǜt:
" Ghò maiáat e tracanáat táat de chèl vìi ca ò sbagliáat pòrta par vignìi de fó dala cà."
Móràl dela fàola: Mài fidàs de chìi ca i öl fáa dól bée a spéśi dei òtri.
Na vegia e 'n canaiüsc
Una vecchia e un ragazzaccio
'Na vegia e caniaüsc
V - Chée ca te fée de laoràa ?
C - <Fóo 'l youtuber>
V - 'n bòt de tübi ité par li cà al ghè n'era ca
C - ha ha
V - ma te dupèret ol gèrlo o campàc' par 'ndà èn gìr?
C - lè ca pü ol tèep di gèrli ne di campàc'; nùu, youtuber de bùna faméa me üsa la machèna, 'na Lamborghini
V - lè 'n cognóm mai sentüut, ghèra i Lombei di nité, ma savarìs ca sai fava sü macheni, fösbée al me par da regòrdàm cai gheva amò li vachi... mbée fà pò 'l brào, laorée ca trop ca svée véc' a ca fà pòch..
C - se se, tranquila